玩野

是日，本來是司儀傾rundown，不過由於另一位司儀臨時老闆到 (奇，老闆唔係應該日日都o係度既咩？)，所以只有我獨力對付一對新人，做一隻孤獨的電燈膽。

冇司儀，就先度rundown。當中有個新郎哥萬萬接受不了的點子....是緣太公與新郎相識十五載，見證著他由偏瘦肌肉型男，轉變成現在一件肥仔的「完全變態」過程；因此，太公就想為新郎度身訂造一個"珠潤堂" (應該叫"必肉站"才對)廣告...哈哈哈...傾傾下都忍唔住笑到趴左響張梳化度....

不過，既然新郎難以接受，那公諸同好也不怕；若大家認識一些玩得的肥新郎，大可一試。

首先，先參考janice的必瘦站廣告：



然後，改篇的文本如下：

新郎：(興奮的面對鏡子) 嘩！咁快肥左十五磅！
(然後興奮地跑出房, 再在另一鏡前騷首弄姿，發晒姣咁)
新郎vo：想好似我咁肥 / 必晒d肉出黎 / 賤肉橫生，快d黎必肉站啦！兩個禮拜肥六十磅二十寸，都只係$88,888，仲冇合約保證tim！快d打9999-9999報名啦！

如果真係拍到好似janice咁...一定好好笑...哇哈哈....