炸死

因為太公終於到適婚年齡了 (這是何小碧的結論)，身邊要結婚的朋友愈來愈多，加上踏入結婚旺季，經常有人以不同的方式 (致電, msn, email, facebook msg) 要求太公提供地址，以便炸太公。

每次，太公都很想鄭重地和他們說：


我第時一定唔會炸你地果喎！你地可唔可以手下留情，唔好炸我呀？！下？！


我可以肯定自己不會炸人的原因如下：

1. 太公生性市儈，就算見人地結婚好幸福好快樂咁，但只要一想到結左婚就要派利是，結婚意欲隨即驟降！加上太公係極度唔想生仔 (我覺得生仔同"駝"仔都係酷刑！)，如果結左婚係會只出冇入的，所以....

2. 不過，正如天有不測之風雲，任何事都唔好咁早下定論先。如果太公他朝真係要結婚...大家放心，太公份人咁怕麻煩，結婚既先決條件一定係: 「我死都唔擺酒架！要擺我寧願唔嫁！」太公ideal的婚禮係好hea好hea, 結完婚人地都唔覺直到有一日望到我手上果隻設計集高貴時尚典雅於一身既999卡鑽石戒指果時，先至如夢初醒.........哇嘿嘿嘿......

所以，各位有結婚打算的朋友：

我第時一定唔會炸你地果喎！你地可唔可以手下留情，唔好炸我呀？！你請我觀禮咪算囉好唔好？！

(當然，如果你同我情同姐妹，如Iby、謝麗等，甚至院友你想再嫁多次 〈啋！〉，或者巨菇你結到婚的話，我係唔介意俾你地炸的....嘿嘿嘿...)