<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://draft.blogger.com/navbar.g?targetBlogID\x3d37963817\x26blogName\x3dNowhere\x26publishMode\x3dPUBLISH_MODE_BLOGSPOT\x26navbarType\x3dBLUE\x26layoutType\x3dCLASSIC\x26searchRoot\x3dhttp://cyjoyce.blogspot.com/search\x26blogLocale\x3den_GB\x26v\x3d2\x26homepageUrl\x3dhttp://cyjoyce.blogspot.com/\x26vt\x3d2616783927992608377', where: document.getElementById("navbar-iframe-container"), id: "navbar-iframe" }); } }); </script>

Monday, 17 September 2007

瘋狂

鄰居說自己反消費,太公不敢認頭。

一、就算自己不去街shopping, 總難免會花費於用膳零食上
二、假假地都算社科學人,扮下野都要一個月買返兩三本書充撐下
三、花樣年華的女孩子,總對「趁仲靚得起,就要靚到盡」有返d迷思 (多得班廣告人唔少),年輕不多買幾件衫幾件朱耳盛打扮下,還待何時?還有,反正家中衣櫃容量有限,不如買好d

是以,忍手一個月,太公還是在一相熟的店失手,並成功追上 Dr. Tong, 做了該店VIP. 有心痛,但猶幸,是次戰利品,一定是一件都不會浪費,for sure.

Labels:

Creative Commons License
Happy Idiot by Joyce Chiang is licensed under a Creative Commons Attribution-NonCommercial-ShareAlike 3.0 Unported License

Sunday, 16 September 2007

曾氏家族

突然發現,除了陳黃李何,原來有很多名人姓曾

特首曾蔭權
九龍皇帝曾灶財
煲呔契弟曾俊華
馬臉曾曾德成
紮鐵商會曾燈發
廢up部長曾憲梓
公文袋同事曾國豐
「小」特首活動創辦人曾sir
英明神冇兼深得「李小姐」情有獨鐘的嶸哥曾!
....

Labels:

Creative Commons License
Happy Idiot by Joyce Chiang is licensed under a Creative Commons Attribution-NonCommercial-ShareAlike 3.0 Unported License

Tuesday, 11 September 2007

別人笑我太瘋顛...

是日,與兩位新同事往樂富用膳,途經一名為「必髮廊」之髮廊...

太:呢,依間髮廊,係咪幫人生髮架?

二同事:?!?!?!

太:呢,佢叫「必髮廊」呀嘛,咁有脫髮煩惱既人去幫親,佢咪會幫佢「必」d頭髮出黎咯!

二同事齊齊滴汗,面上即打晒陰影....



如果!如果當時人變左係蘇院友同草院友,一定好唔同...(以下為設計對白)


太:呢,依間髮廊,係咪幫人生髮架?

蘇:(即明)哦, 幫人「必」d頭髮出黎呀嘛!

太:係呀係呀!

草:(疑惑) 咩呀?

太:咩呀?「必髮廊」咪幫人必d頭髮出黎咯!你明唔明咩係「必d頭髮出黎」呀?下下下?

草:哦....(扮明, 其實一定唔明)

蘇:算啦,佢點會明呀,佢剩識「必草」架之嘛!佢生草唔生髮架嘛!哈哈哈!

太:哈哈哈!

草:下.....(仲係疑惑)



各位院友,好掛住大家,又係時候唱院歌:最佳院友!!

Labels:

Creative Commons License
Happy Idiot by Joyce Chiang is licensed under a Creative Commons Attribution-NonCommercial-ShareAlike 3.0 Unported License

Tuesday, 4 September 2007

I'm not a plastic blog

日前逛一家用店,"I'm not a plastic bag", 僅售三十五個大洋,除米底藍字外,更有米底黑和黃底黑可供選擇;如果大家用該布袋原意真是為了響應環保,老翻又何妨?不過,如果我是Anya Hindmarch, 我又一定會激死 -- 我設計袋,是想人減用膠袋,想減少製造廢物;現在卻出現一個個老翻 -- 這些老翻賣不走,又是一堆廢物也;講環保,最後也是徒勞。

政府推行膠袋稅,也有同樣道理;直接的想,的確有阻嚇作用,每個五毛,那班貪開小便宜的師奶阿叔立刻記得要帶袋出街 (不單是帶女友去渡假屋的男生需要);不過,香港畢竟是個極度資本化兼以消費維生的社會,你有張良計?我有過牆梯!膠袋收稅,那些大型超市轉頭就推出「買滿一百蚊送購物袋優惠」,在師奶阿叔家中泛濫的不再是膠袋,而是not a plastic bag 的環保袋;分分鐘更誘得他們買了一大堆無聊東西回家,賠了夫人又折兵。

所以,推行膠袋稅,可,但亦要推公眾教育,效法煙盒上的警告字句,要各大超市將「貪小便宜危害環境」印在其送出任何袋狀物體上兼在其所有廣告/刊物中以雞乸咁大隻字刊出,可能有幫助。
Creative Commons License
Happy Idiot by Joyce Chiang is licensed under a Creative Commons Attribution-NonCommercial-ShareAlike 3.0 Unported License