講真話真係好難咩???!!!!

太公平生最討厭人家講大話；當然，有時一兩句善意的大話，無傷大雅，亦無不可。然而，涉及大事大非之問題，就沒有說謊的餘地。

尤其是，當自己被質疑做錯事時，其實既然己經東窗事發，有做，冇做，知，唔知，清清楚楚交待咪好；但偏偏有些人就要左閃右避，被人揭發一樣，先認一樣。未被揭發的，就講大話聲稱自己冇做過/唔知。

想起，前度爛肉做錯事，也是如此的窩囊無賴，真教人氣結。難道，天底下的男人都是一樣？

其實講真話真係好難咩？做錯事直直爽爽承認求人原諒不就好？就算不被原諒，都起碼令大家留有最後的一絲尊重 - 我起嗎會尊重你係個勇於承擔的男子漢。(有些賤男會辯稱指怕承認錯事傷害人家的心？說得好聽，那你做錯事前不會想到這一點嗎？唉！做得出唔怕認，唔該！)

拖拖拉拉的要人找出一樣才承認一樣，結果是，人家愈揭愈火滾，最後既得不到人家的原諒，連最後的一丁點尊重，人家都不想給你。因為在我們心目中，這男人不止賤格，還是個窩囊，是個無賴；非但不想佢「留於原位」，連留佢響地球都嫌佢浪費地球資源。


蝦頭有云：「存活在謊言裏的愛情我不要」；唔止，存活在謊言裏的官員我都不要！

若不幸有個賤男做男友...其實原來都唔算太不幸，因為尚可以狠心分手，和那件註定這一輩子只能為自己帶來傷心不幸的爛肉say goodbye，重投幸福自在生活的懷抱。但有個賤男局長呢？在香港，可是不幸到極點，我都非常想可以狠飛佢，但我居然冇得話事！

點解我們作為香港人不能自己話事？點解我地唔可以自己揀個唔講大話的特首/官員？我地作為香港人所享有的自由和民主，只限於揀個唔講大話的另一半嗎？ 我覺得好悲哀囉！！