是咁的

冇, 其實只係想講，大家今日睇蘋果日報財經版小心D，因為會見到我，哈哈~~!!!

同埋，其實內容有唔少斷章取義的地方；例如，我已經強調做電台都有好多樂趣，而且果幾年根本就係冇時間停咗冇學 (其實明明佢根本立唔到論架)....之類；不過，自己都寫過專訪，絕對明白有時你要個受訪者講出你心目中的故事，都真係要用下呢D手法 (雖然我就做唔出扭得咁盡喇, 哈)；大家都係搵食，加上出張相唔係太樣衰 (哈哈, 最緊要呢樣, 唔係我會去抗議架~!) no big deal!

(註: 其實呢, 我做訪問果時係好想講, 其實我正職係返青山既；唉，做青山院長, 平日要扮正常, 見到D院友發晒顛響醫院撻地打晒滾冇晒火龍時, 自己又唔發得喎, 真係好壓抑架好悶架嘛......但我真係怕暴露咗我院長的真實身份之後，太多人申請迫爆院囉....好彩忍住！哈哈~~~)

其他都有唔少資料係有誤的，但既然唔係太重要就費時一一改正了；不過如有需要前往西班牙的朋友可以直接找我問，我可以提供較詳細的資料；或者，佢提供的網址都係對的，可以自己上去做RESEARCH亦可。

唯獨一點一定一定一定...一定要澄清!!! 即係, 我地摘橙，係用黎整Marmalade (果醬), 而唔係Mayonnise (蛋黃醬)!!! (院長要透過大氣層強調，我地係唔~識~分~子~料~理~的!!!!!吼~~~!!)