金話梅電影選舉

一年一度的金話梅電影選舉，大家快d去投票 玩下啦~~~

呢個投票好玩，因為如果閣下未睇過任何一套入圍既電影，一定會暗自慶幸；但若果不幸睇過d, 甚至睇晒，咁都可以透過呢個投票發洩心頭之恨。

太公當然唔執輸，投左一票。以下係太公心水：

最爛電影：《新紮師妹3》；
此片係討論區中同《左鄰右李》叮噹馬頭；太公未睇過《左》，只可以同《至專無賴》比；雖然兩套都冇劇性可言，但太公覺得《新紮師妹》入面fiona實在做得太恐怖核突，同埋擺明超低成本製作，個景搭得勁衰，毫無誠意，同埋一幕精彩既都冇；《至專無賴》雖然d女角冇演技，但至少唔核突，同埋個景都俾返多少少誠意，同埋唱歌果段都叫做精彩，lor. 《春田花花同學會》雖然低能d, 都總算叫做係有個有寓意既故仔，最爛有排未到佢。


最爛導演：馬偉豪《新紮師妹3》
個景真係衰到貼地，拍得又求其，一d誠意都冇，衰到爆！


最爛男主角：全部未睇
好野~~！


最爛女主角：薛凱琪《新紮師妹3》
做作得好核突！比單單冇演技木無表情更衰！


最爛場面：揀唔倒
只係過下《龍虎門》，但都覺唔算太爛，以一套兩個鐘都無既戲，嫌佢太求其有d唔fair. 同埋點都好過《新紮師妹3》入面好多場面lor....