一個月黑風高的晚上...

一個月黑風高的晚上，有兩個人跑了去看電影。晚了些進場，坐下時，廣告已播放至尾聲，電影旋即開始，是我們都想看的'Wild'。

以為自己已經夠遲，豈料一山還有一山高，還陸續有人進場。黑暗中有一名身型略胖的四眼男向我們的方向走過來....嘩喂，我們可是坐在尾二那行的角落，難道我們旁邊的牆是Platform 9 3/4，可以一衝而穿越往Hogwarts School?

眼見那個男人就穿越重重障礙，踐踏過幾隻沿路坐著觀眾的腳趾，都要堅持走來，我不禁看一下旁邊那面牆....「其實係咪有秘道？定其實我地已經死咗隱咗形？！」

說時遲，那時快，男子在我面前停下來，說：「我哋個位係J5, J6。」

我莞爾；我們的位子是J11, J12；J5, J6與我何干？

未及開口，身邊的觀眾 (大概不忿雙腳被其踐踏) 己開口：「J5J6唔係呢兩個位喎，J11J12先係。」

「對唔住，咁我哋係J11J12位。」男子居然改口...先生，睇戲都咁隨便，邊會有人俾面？

「我哋都係喎。」我很肯定；開場前，朋友和我，合共6隻眼望過，是6號院J11,12，時間也沒錯。難道真的戲院搞錯？

男子堅持，就把戲票拿來核對。一看，well；我誤判。我愧疚 (對戲院)。我恐懼 (今番可為「生命中不能承受的Kai」也)。

「嗱，係咪呀，我係J11,12架...你又係? 咁奇怪....」男子仍然未知自己衰乜。

「先生，但你係5號院喎。」我看了看他的票，平靜地道。

此記猶如當頭捧喝，男子有點不知所措：「吓？呢度唔係5號院咩？吓？」

「呢度係6號院呀！」後面食花生良久的觀眾，大既再受不了此Kai行，快速搭咀，一句KO此一男子。

一男子敗走，又幾近踩中人家的腳，邊連隨道歉...

和朋友相視一(奸)笑。隱約聽到後面花生友的恥笑聲。

院長忠告市民，假如你是一個Kai子，睇戲時除了熄手提電話，亦請提早前往戲院，確定冇入錯戲院睇錯戲，阿門。

(我好懷疑，如果唔係佢個位有人坐咗，佢又miss咗個戲名，佢會唔會坐到最後先發現自己睇錯戲?!?!?!??!?!)