當失聲病人遇上R水吹醫生

話說，有個病人認為屋企附近個醫生太廢，今日試吓公司附近果個，會否好些；當醫生問完病徵後，竟然開始R水吹....

醫：呀，你住荃灣呵？
病：(點頭)
醫：咁過嚟呢頭返工？
病：(心道: 妖唔通專程嚟睇你咩？)......(點頭)
醫：荃灣...哈，abcdefg 係咩屋苑嚟？
病：(心道: 妖上網google 囉煩膠!)....(痛苦地) XXXX
醫：咩話
病：(心道: 你條粉腸係咪玩嘢....算, 四粒字好過成句)....(更痛苦地) XXXX
醫：哦....咁我聽過喇, 英文我就未聽過即...哈
病：.......................
醫：結咗婚搬入去住?
病：(心道：妖！乾物女生活你識條春咩？).....................
醫：(見病人冇反應, 自行收皮) 哦.....呀, 轉身聽背吖
(聽完後)
醫：(懶風趣) 呀，你都幾大隻果喎!

該病人對個醫生積累約分半鐘的不滿，終於於此時大爆發！但礙於其病到手軟腳軟又失聲兼喉嚨痛，充其量只能對該醫生「怒目斜視」！

最後，醫生良心好似過意不去，雖然該病人張醫療咭cheap bom bom, 但都開返尐勁勁地的藥俾佢，相信係怕該病人會返轉頭燒佢間舖也。