星期日應該訓晏d

今晨, 一名中國藉女子起了個大早, 執齊d野, 前往上其flamenco 舞蹈課程也!!

11時正抵達學校, 換好了衣服, 11時06分才進課室; 以為11時正才剛開始上課, 仍在熱身而已...豈料, 打開課室大門, 一眾同學竟正在走位跳舞, 兼夾異常齊人!!! (註: 因為全班都是夜鬼, 上午的課往往要開始半小時後方齊人....)

目睹此情景, 該名中國藉女子大吃一驚, 對老師講了一句: "吓？我遲咗好多呀?!?!"

豈料 (又豈料), 老師眼定定望著我, 報以一個"o"咀; 連同該班的同學, 合共十個"o"字對住該名中國藉女子....

見到咁多個"o"字, 該名中國藉女子終於清醒了點, 發現課室有異樣: 點解有個男同學既? 明明我果班係全女班黎架?.... 再望真d, 全班人除咗老師, 冇個係識既; 此時此刻, 有人方恍然大悟:

"哦, 我黎早咗, 我果班應該係11點半先開始!!...sorry sorry....你地唔使理我, 繼續跳, 當我冇入過黎"

可惜, 得悉真相眾人, 隨即爆笑, 笑到肚痛.......


其實呢堂應該係唔知第七定第八堂, 唔明點解仲有人可以搞錯時間? 唔使咁疑惑, 因為呢名中國藉女子係青山院長, 起身太早食唔切藥, 係咁上下架喇.....是以, 呢個故事教訓各位院友, 星期日記得訓晏d, 食埋藥先好出門, 阿門!