院長特別報導

以下係一則特別報導。

上個星期, 一名中國藉女子, 面對排山倒海既工作, 精神幾近崩潰, 心情極度燥狂, 有打人既衝動 (我要打走晒d建制派!!!)，好彩，俾佢諗返起, 佢響英國讀書果陣時，響屋企附近既一間書局打書釘時，睇過既一本叫做The Book of Bunny Suicides既書；即刻搵返出黎睇；呢本書，平時睇佢, 只係覺得幾過癮，不過當一個人好燥狂好想搵個人黎摧殘果時，睇住有幾隻兔仔無端白事響度用d奇怪但搞笑既方式自殺，例如將自己夾響空手道夾版中, 等師父一落手刀, 將佢劈成一半；或者炸左比殺斜塔, 等佢倒塌落黎責死自己；再唔係, 匿係茶壼入面, 俾滾水辣死….一邊睇住d兔仔自我摧殘, d燥狂念頭都一掃而空。結果, 佢就衝咗去, 買咗本The Bumper Book of Bunny Suicides, 自殺兔結集黎看門口


(聲音版於逢星期日晚十點半至十一點半, 商業一台《發現新大陸文化篇》內播出)