UNO 之夜

冇，因為Ibyby 伉儷佢地話副我地上次玩到好high 的 UNO Attack 俾 Ibyby 細佬攞返，所以我地響玩具反斗城買左副UNO Spin俾佢地伉儷做入伙禮物啦！ (睇下呢班豬朋狗友係幾咁熱愛UNO~)


不過，重點唔係d牌，都唔係中間個轉盤，而係：


睇唔明呀？咁等我high light出黎啦！


睇唔睇到呀，睇唔睇到呀~~~~ (亢奮中，把聲高左八度) 我個分比最高分的江基少成廿倍呀！啦啦啦~~ (UNO計分係鬥低分的)仲要係當全人類都已經係三位數時，我仲係得35分咋！！啦啦啦啦啦啦~~~~

*************************************************************

同場加映：

孔子：唉，汝等何時學得謙卑乎？

孟子：知其不可而為之，汝努力矣。

莊子：以有涯隨無涯，殆矣；世界上有咁q多自大的人，呢個仲咁大份，你地仲鐘個頭埋去想感化佢，唔怪得你兩條友死得咁早啦！我冇你地咁好氣，我去食阿庖丁劏出黎既和牛剌身好過....

孔孟二子：Nundaiyou！你個莊子好長命咩，話我地兩個？仲響我地兩個面前咁得戚食和牛？你梗係嫌命長定啦！我abcdeftxyz你....(繼而動武)

(以上孔、孟、莊三人都係A貨，佢地既真正身份係青山現疫院友甲、乙、同埋丙)

++++++++++++++++++++++++++++++++++++++++++++++++++++

再同場加映：

準新郎：(見到太公個分咁低，極度唔抵得) 唓！佢好彩之嘛！冇實力的！

準人地姊妹太公：(惡啤) 你話咩話？！我~俾~個~機~會~你~講~多~一~次.....一次咁大把！

準新郎：.....係！...唔係！我.....我乜都冇講過，嘻嘻嘻.....

點解個新郎咁驚太公呢？因為，太公除左係準姊妹，仲係「準玩新郎遊戲設計大員」，哇哈哈~~~~ 呢個幾月我仲唔有風使盡佢？！？！