cheap

同事泰山和郭ken都是wii的愛好者；其中有錢仔泰山更是崇尚正版遊戲之徒。

某天，二人在討論wii的各項遊戲及配件時...

泰：(指郭ken) 你個死cheap精，用埋晒d老翻..

ken：咁我...

(郭ken正欲解釋，太公剛好走過)

泰：(轉頭向太公, 以為太公係女仔唔打機一定支持正版)你睇下，呢d人，(指住郭ken)係咪好cheap呀，用埋晒d老翻碟打機。

(泰山話音未落，太公面上即浮現一個得戚+奸詐+低能的複雜笑容...)

太：嘿....但我係借佢(指住郭ken)既老翻再自己dup黎玩，即係自製老翻喎！

泰：(突如其來的刺激，令平素反應快的他都呆了幾秒) 下....

太：(指住自己，繼續得戚+奸詐+低能笑) 我仲download緊隻cooking mama tim，如果係真係連借都唔使借！嘿嘿嘿嘿！！

泰：(受了極大刺激狀) 呀~~~~ she's even cheaper!! 點解...點解呢組既同事係咁cheap??? (自言自語愈走愈遠)


泰山，呢個問題係因為我地窮，我地窮係因為我地人工低，我地人工低係因為商台真係cheap x 100000. 所以，最cheap應該係商台，講完。

再者，我係響應緊政府呼籲「咪幫罪犯，咪買盜版」，咁我咪唔買盜版，唔俾佢地賺呢d錢lor，我呢d咁聽話既好市民，何cheap之有？