港女寓言

即係咁，你摞你個聲稱自己好有錢好偉大的哎吔老豆買個LV俾你，由0708, 摞到2012，然後佢話：2017買俾你啦！

點知，臨到2017, 佢攞咗個a貨出嚟，同你講係LV，仲叫你袋住先，唔係的話就等2027；更甚的是，更聲言，唔要走寶係你閣下責任咁。

傻的嗎？假嘢我使鬼摞你咁耐呀？

**************

今日，有個叫阿詩的三姑六婆假惺惺地走來，勸我袋住個LV先，用的詞抄足晒真LV廣告 (一人一票選LV？) 又話袋咗唔啱，遲尐再傾囉。

嘩喂， 我訴求一向好清晰，我要真嘢；你而家攞個假嘢出嚟，夾硬話係，係都要我袋？呢樣都唔係我想要既嘢，點袋？你只係抄足款抄足廣告，但用料完全唔同，佢始係只係一個A貨！

我要真嘢，你俾A貨，點收？你真係有誠意，就唔係搵個A貨扮真嘢夾硬要我收，我點相信你可以「袋住先」日後「有得傾」呢？！

**************

劉兆佳居然講得出「普選會危害國家安全」...天呀，你係學者嚟架，社會學呀 (好彩我個soci 響HKU讀！)，你而家居然講埋晒呢種咁冇邏輯的嘢？你睇下有普選的國家或是沒有普選，或者選舉制度不公平的國家比較動盪呢？再者，既然中共聲稱自己如斯偉大，又何懼民意呢？ - 難道劉兆佳你認為中共政府糟透了不堪民意考驗嗎？

劉兆佳膠論