別把寵物迫得太緊

週三為了工作，寫下了這篇博客文，本週日晚出街。

*******************************************

今個星期，我同我男朋友分手；原因唔響度多講，總之因為咁，不斷俾個賤男纏擾，真係令人感到萬分厭煩；其實想求個女朋友回頭係咪一定要用埋晒d咁擾民既方法？咁騷擾就叫愛？慳d喇。我要介紹俾各位一本書，呀，當然賤男要睇下學下野，但就算你係一個好仔，或者女仔，都不妨睇一睇，本書既書名就係就係0932-453545.

就係0932-453545.呢組號碼, 其實係呢本書既作者, 阿賢, 佢女朋友既電話號碼. 點解要用個咁既書名, 係因為, 呢本書入面既野都係想寫俾女朋友睇既; 當年, 阿賢既女朋友同佢分手之後, 阿賢每日都會響自己個blog度畫一幅插畫, 表達對女朋友既思念, 希望有一日佢會回心轉意. 畫咗86日, 終於成功氹得返女朋友.

作為旁人去睇呢, 其實本書既內容係有d肉麻架…即係講緊一d兩個人之間好親匿既野, 用d好親匿既稱呼…之不過, 肉麻得黎, 係真係可以深深地感受到, 阿賢對佢女朋友既愛係幾咁深幾咁真摰; 作為一個外人都覺得感動, 更何況佢女朋友呢？

不過最初佢女朋友係唔知呢個blog既存在, 阿賢響個訪問中亦都承應, 最初畫既時候, 見女朋友冇反應, 真係好氣餒, 想放棄; 不過, 好彩佢地既一位common friend, 偷偷地將阿賢個blog, send俾佢女朋友睇...最初都冇反應架, 但一日日咁睇, 個女仔終於受到感動, 最後主動約阿賢出黎, 努力咗八十幾日, 阿賢終於得到回報。

我真係好佩服阿賢，其實佢響書中，都隱約講咗自己都唔係好知點解女朋友要同佢分手，唔係自已犯過d咩大錯，但佢仍然肯花心思，好有恆心咁花幾個月時間去氹返女朋友；而且佢用既方法，唔係一味死纏，仍然會尊重對方既生活空間；而唔係d男咁，日日疲勞轟炸、甚至去滋擾，迫個女仔同自己復合；一旦得唔到期望以內既回應，就只係識懶憂鬱扮心碎，哼，呢d咁既男人，唔該你自行摺，有咁遠摺咁遠吖，唔該！

*******************************************

今天的怒氣已不如當天；可當天怎樣會如此憤怒？也許，當兩個人關係漸趨緊張，兩個人之間的彈弓開始不穩定地搖晃；若其中一方不斷地步步進迫，彈弓一開始時雖會退縮，但總會有個臨界點，「噗」一聲，將對方彈得老遠老遠。

當天的怒氣，也許只是個「物理現象」。

群仔在《俠盜張師奶》爆肚的一句：「別把寵物迫得太緊」；開口中。

*******************************************

後記：這幾天心情起伏大，連連在此blog內貼文；也許傷心、憤怒、難過，往往就是老作的靈感泉源；過去四年過得太安穩，總覺得寫出來的大不如前；希望這個轉變，能容讓我對人生有更多更精彩的體會。

當初為怕身邊的人看得太多自己的過去，而將舊ｂｌｏｇ收了起來；今天既要與他作別，不如讓它重見天日，與各位say hi!!

The consequence of life