重慶印度菜

從太公從英國讀完屎片回港，就愛上印度菜。

有原因的。太公赴英時，是拿著一筆很有限的生活費；是以，能省則省，省得最多就是吃；特別是首八個月，一直都好擔心唔夠錢用，所以太公吃得很省；當時太公主食如下：

• tesco (大英帝國著名連鎖超市) 即食面，雖然超難吃，但只需8p一包 (如果去中國店買出前一丁要35p，極偶然才去買一包解下鄉愁。)


• Lido (歐洲著名連鎖廉價超市，分店不多) 售賣的19p一條的方包賣....即係圍返港紙3蚊度有成大條長過生命面包既包呀！可以食足三日九餐....配d超平果jam吃；豪一些，在Lido買一包40p有八片的火腿，99p成盤的salami, 或者約50p一打的片裝chedder送方包。


• Lido出品的custard cream餅乾....太公趕功課時會勁想食甜野，但唔會想食飯，有時食十塊八塊呢d custard cream餅乾就夠....唔好睇香港Marks and Spencer賣咁貴，Lido一大包都只需38p!!! 至少可以分三餐食，抵過食出前一丁！


• 已經係好少少...tesco會有pita bread賣，好以3Xp一包有成六塊，可以分三餐；咁然後用49p買盒dip 送pita bread...一盒dip可以送到兩包pita bread 的。


• 意粉...o係歐洲意粉係cheap野，99p有兩大包，我會煮意粉，撈pesto sauce, 又係一餐。

太公算過，在英國生活首八個月，自己基本上每餐都是30p以內 (唔使5蚊港紙) (去到後期見有多個錢剩太公先會會豪下煮下飯/resotto整下沙律食下三文魚，每一餐係1鎊咁lor)...但成日食呢d野又悶又鞋口，同埋有時都會想出街食的...

不過英國出街食，真係想下好；去買個sandwich, 都至少要兩鎊幾，食熱的pasta lunch起碼要4-5鎊；去pub食個dinner, 最平都要8鎊，但其實一般餐廳都起碼要10至20鎊不等的；o係早期太公真係好怕使到最後會冇錢買機票返香港，所以唔敢出街食 (除非間唔時有friend約) 直至有同學介紹附近的一個回教寺，每天中午都會賣lunch box, 會有一大盒飯，另會有一盒裝咖喱裝雜菜等餸，夠食兩餐，都只係三鎊！！嘩！雖然和太公每餐的budget有距離，但一個月吃一趟還是負擔得起。這些印式lunch box， 對日日吃不太美味的面包和即食面的太公來說，已經是人間美味；所以，太公自此之後愛上印度菜。尤其是對於lunch box必備，「黑媽媽」成pat野的芝士菠菜，就更是念念不忘。

然而，香港的印度菜的味道都變了質，可能是已經為香港人調較了口味了？位於香港尖沙咀的重慶大廈，有很多南亞人士聚集兼聚居，也有很多吃印度咖喱的店子；可以回港後吃過一間，味道完全不對，更沒有黑媽媽的芝士菠菜！自此，就失去了在香港找尋印度味道的意欲。

看到網上食評，說重慶大廈另一間的咖喱做得較好，昨晚大學莊友聚會，就騙了他們(嘿嘿)陪我去試試。嗯....味道是比上次去吃的好一點，起碼是往「對」的方向走，但仍是不夠濃；菜單上終於有芝士菠菜，但是不夠黑，味道也不夠濃烈。而且香港的印度餐廳，太花巧了，連主食Naan都要分芝士、洋葱、蒜蓉、牛油等款式；我記得就算以往朋友聚會叫印度外賣時，從沒見過Naan有這麼多花巧的款式的....其實印度菜很多就是最簡單的飯或naan, 配以咖喱一起吃，才能吃出咖喱的真味。這些主食就混了味道，咖喱就變得複雜，不像樣了。

但也許，不一定是香港的印度菜被調較了味道，也許是英國的印度菜，為配合英人的口味而調得味濃而已？太公沒去過印度，我不了解；但在我們在英國光顧的lunch box和外賣店都是印度同學推介而且也經常光顧的，英國這麼多印度餐廳和外賣店，在云云這麼多印度外賣店中被他們推介，應該錯不了多少；更重要的是，不管正宗與否，我就是喜歡味道濃一點的咖喱！

所以，如果有誰在香港吃到一些又便宜味道又濃的印度餐廳，記得告訴我！