<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d37963817\x26blogName\x3dNowhere\x26publishMode\x3dPUBLISH_MODE_BLOGSPOT\x26navbarType\x3dBLUE\x26layoutType\x3dCLASSIC\x26searchRoot\x3dhttp://cyjoyce.blogspot.com/search\x26blogLocale\x3den_GB\x26v\x3d2\x26homepageUrl\x3dhttp://cyjoyce.blogspot.com/\x26vt\x3d2616783927992608377', where: document.getElementById("navbar-iframe-container"), id: "navbar-iframe" }); } }); </script>

Monday, 17 March 2008

尋找客死異鄉的涼拖出發

(可憐天下父母心音樂起)

雖然今次去馬來亞,春色真係景緻如畫,結伴同行處處留爛gag既感覺真係好 "FANTASTIC",不過,呢個trip, 始終都避唔過一個悲劇!

話說肇事低能仔次次去親熱既地方旅行,都會著住佢對心愛既birkenstock,一齊走天涯云云;而呢位低能仔平時去開旅行,都會採用盡量唔搭車的方式,即係次次都行到隻屐咁。今次都唔例外,兩位低能仔甫到馬來西亞,即主要以行走的模式前往各大目的地;即使吉隆坡也如是。就在第一晚抵達吉隆坡,由食街行返酒店的途中(都有幾個monorail站架),呢位低能仔左腳果隻birkenstock就開始頂唔順,個底開始甩下甩下咁;個低能仔唯有死頂,好似俾人打跛左隻腳咁,一路gug下gug下咁,行返酒店。

直到第二朝,就真係出事啦。出發之時,對birkenstock仲係咁既:



點知,行唔夠十步,就變左咁...



成個底向前移!好難好難好難行呀!大鑊既係,呢位低能仔為左令自己個旅行袋有咁輕得咁輕,成個trip都只係得呢一對birkenstock同佢相依為命!而家佢搞到咁,點算呀~~~!點~算~呀~~~~~~~~~~~~~~~~~~!? (仰天狂呼中)

好彩,呢位低能仔,之前一晚係食街附近,見到有一間birkenstock專門店,於是就係另一位低能仔護送下,一路gug下gug下行去最近既monorail站,然後再gug下gug下行去間專門店 (兩條友仲係死都唔搭的士),買左一對新既birkenstock...



好咯,財散人安樂!唔好問我幾錢,總之係馬來西亞買birkenstock係唔會平過香港的,唯一好處就係,比較容易買到40號人字拖,fit晒我呢d大腳八!

而對舊拖,就此客死異鄉。我將佢個身首異處慘不忍睹既屍首,留左係當地果間birkenstock專門店,希望佢可以安息啦!阿門!

Labels:

Creative Commons License
Happy Idiot by Joyce Chiang is licensed under a Creative Commons Attribution-NonCommercial-ShareAlike 3.0 Unported License

0 Comments:

Post a Comment

Links to this post:

Create a Link

<< Home