爛gag之氧

攪爛gag，都需要氧氣。

因為爛gag不可以亂搞，要搞得好，才可以令到人家「訓低」同「滴汗」之餘，仲識會心微笑；例如「沮喪牆」、「必髮廊」、和「小童群益會之草」、以及有關「大咪食錯飯盒」之一切聯想。

可以，有時，當非處於一個充滿爛gag 的氣氛 (aura)下，新的意念就難以出來；很多時隨手攪個gag, 只是食下字，交個行貨；人家難以欣賞，自己更難接受。

我對自己攪爛gag是有要求的；要攪得新，好笑，最好唔好講來講去三幅被。要有變化，才有驚喜，生活才會豐富；任何人，老豆老母同事男友朋友仇家，都一樣。

為左可以使爛gag不斷創新，太公唯有動用「持續爛gag進修基金」，等自己去一下馬拉，感受一下當地既風土人情，同埋馬拉人既爛gag。希望是項研究，可以成功，阿門。