家庭聚餐

是晚，某家族於旺角某食肆舉行家庭聚餐。

除了上次大鬧環球嘉年華的三爺孫外，出席的還有該名阿爺之前妻、新抱，以及另一名孫女(暫且叫住佢做孫女二號)也。


席間，除了論及股市、醫院點滴、家庭成員近況外，好似就冇其他有建設性的話題。

當中，該家族成員更親身感受到語言的力量：

前妻：(對住前夫) 喂！你個形狀keep得好好喎

爺：(滴汗)........

眾人嘩然, 大家係個腦海入面努力咁想像咁到底呢位阿爺前妻所講既「形狀」係乜。

良久..........

孫女：(打圓場)哎~~，阿嫲係講緊，你個"shape" keep得好好姐！係唔係呀？係唔係呀？

(大家恍然大晤)

孫仔：果然用英文講就好唔同呀下....嘿嘿嘿~~

爺：(仲係無奈中)....係......咩.......?




想知到阿爺個shape係咩？可以參考席間另一位孫女提出的另一件往事：

孫女二：(突然醒覺狀)阿爺！你記唔記得以前係學生會房，阿邊個佢扭過你個手臂.....唔知你而家係咪同以前一樣，都係扭到一個半圈呢？

爺：......


還有，仲可以參考埋另一名叫太公的孫女的渴望：

孫女：(鼓勵的神情)阿爺！你個shape好fit！記得Keep 住呢個shape！

爺：(終於受到鼓勵，受創整晚的心靈終於得到慰藉和鼓舞)係？真係？嗯！我都覺得呢個身型冇壞，cute cute 地....

孫女：(興奮)係！咁下次約埋行出街，我企係你隔離，咁睇落我咪好瘦lor！！好野！！(自得其樂中)
(註：呢位孫女是晚被某資深護士初步識別為患有專注力不足過度活躍症)

爺：xyz*&#&*@&^#*@&%*&^#*&^@*#&$......



如是者，家族聚餐就在一片混亂的笑聲中度過。


是晚，該家族共嚇走三枱客，兼因太嘈而被侍應警告五次正。如果你地今晚咁唔好彩撞到我地，而又有任何有不便之處，你都只可以怪自己唔好彩，閣下呢期梗係拜得神少，聽日快d去搵車公(或者豬公都得)上返柱香，阿門。