三爺孫大鬧環球嘉年華

某日，某爺孫三人前往環球嘉年華遊玩；該名阿爺帶同其孫仔孫女一同登上一摩天輪車箱，坐在一對情侶對面。

當摩天輪愈升愈高之前，阿爺感到右手邊出現左隻震住之小手，欲捉住佢隻肥臂！

孫女：(氣若游絲兼面色發青)阿爺, 我好驚呀....我畏高架....救我....

爺：(大驚)氣！你畏高就咪鬼上黎啦！

孫女：(繼續氣若游絲兼愈來愈震)我....我....驚......

(雖然天氣嚴寒，但對面果對情侶禁不住流下斗大的汗珠)

爺孫二人擾攘一輪後...

爺：氣！俾你激死！(望向左面)你話嘞！畏高就係咪唔應該上黎....喂！你冇野呀嘛！

(該孫仔面色發紫，兼蠢蠢欲嘔咁款！)

爺：(大為緊張，呢d叫重男輕女)喂，你冇事呀ma, 喂....(隨手執起個環球嘉年華紀念袋)嗱，你要嘔嘔係入面啦。

孫：(面色發紫地接過袋子，欲嘔之狀).......

孫女：(忽然唔驚)嗱，唔驚唔驚，我呢度有紙巾...

爺：(幫手遞紙巾)嗱，紙巾呀...

孫女：(繼續"um")嗱，仲有一包，多多都有

爺：嘩！你咁多紙巾既？

孫女：係呀，我怕萬一呀ma...(然後爺孫二人開始討論"紙巾之用途"，注意該孫女已經唔多記得左要"驚")

孫: (痛苦地嘔吐中)..........


正當爺孫三人忙亂之際，在該近乎密閉輪箱的另一邊，該對男女繼續汗大如斗...

女: (對男細細聲講, 對眼則望實想嘔果個)我好驚呀...(見到個孫仔嘔時, 面色即變青)我真係好驚呀....我好想快d落車...

男: (無奈)....好快架啦.......






除左玩摩天輪嚇親人之外，據報該三爺孫更玩到該嘉年華之碰碰車，咖啡杯型過山車，以及滑浪飛船等等設施有初步損毀跡象，疑是負荷過重所致。