太公開運大法

歡迎大家收睇太公睇你豬相，我係太公。

相信大家都會經常會覺得生活平平淡淡咁，日日係咁返工放工，係事業或者生活都好似衝破唔到d障礙咁，硬係停滯不前；然後，大家諗一個問題：點樣開運呢？

Well, 其實要開運，真係好簡單；先決條件，你要訓夠食夠，要夠精神，d運黎到，你都可以接得住。

第二，就係要保持心境開朗，面帶笑容，咁就會吸引好多運黎。真架，石堅都冇咁堅。

話說今日太公係某餐廳度等toilet(該厠得一格)，一條友，on膠膠，自然會諗下d低b野，諗下諗下，心入面果個就變左千歲喪笑緊，而面上亦會自然地流露出歡樂的微笑。

然後，好運黎啦。有位女孩子走來，排在太公的後面。太公為了表示個toilet入面真係有人，作狀試開了一下門(當然係開唔到)。然後，二人竟然因為研究入面有冇人而打開了話匣子，然後，言笑甚歡，然後，該名女孩子竟然問太公要唔要coupon？下？......正在太公奇怪之際，那女孩子真的拿了張該餐廳之八折coupon....嘩！正！lucky~! v^^v (叮字面咁款)

就是因為這張coupon，太公一行人是餐節省了六十五元五角正，well.....笑容真係會帶黎好運架！ 笑多d啦香港人！！