妖貓

雖然太公的blog近期以豬為主，但其實太公最愛的動物，還是貓。

跟太公一起念大學的人一定不會忘記，太公是個貓痴。你送甚麼給太公都可以，只要是跟貓有關的就好；貓袋貓cushion貓風鈴貓乜貓物太公都收過，那個很像太公的太公貓現在還安然趴在太公床上，而何小碧依然如舊稱太公為「妖貓」。

太公愛貓，應該要追溯到小時候，幾乎所有與貓有關的卡通人物，太公都會莫名其妙地對它們產生好感；加菲貓是其一，肥貓加德里奧亦唔少得(你唔好話我知你冇睇過"What's Michael"). 還有一套非常重要的卡通，就是「功夫貓黨」






當年太公還在念小學，太公媽已經開始經營其小型托兒所。"功夫貓黨"剛好是無記最後一檔卡通片，正常全世界小朋友都做完功課可以睇。當時三條友仔係屋企日日爭做太郎(白色果隻)，個個係度扮"sir"滑梯變身型貓 (記住我地係扮"sir", 其實只係平訓係地然後向前蠕動....當然，此舉經常被太公媽喝止)，同埋扮射出去....well, 呢個即係, 由梳化度跳落地...

咁就證明左，太公天生就有似貓，同扮貓既傾向.....喵~~ (而家係肉感肥野貓，呵呵呵~~~)

其實功夫貓黨係太公細果個時最favourite既卡通片之一 (其餘計有伙頭智多星同叮噹) 不過真係唔明，咁好睇既卡通片，咁可愛既貓，點解而家會消聲匿跡既？！答我！