<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d37963817\x26blogName\x3dNowhere\x26publishMode\x3dPUBLISH_MODE_BLOGSPOT\x26navbarType\x3dBLUE\x26layoutType\x3dCLASSIC\x26searchRoot\x3dhttp://cyjoyce.blogspot.com/search\x26blogLocale\x3den_GB\x26v\x3d2\x26homepageUrl\x3dhttp://cyjoyce.blogspot.com/\x26vt\x3d2616783927992608377', where: document.getElementById("navbar-iframe-container"), id: "navbar-iframe" }); } }); </script>

Friday, 23 February 2007

Yahoo拍賣正福街

我真係覺得yahoo 拍賣自從收錢之後,愈來愈仆街

首先,迫你一定要一件件貨放上去賣。如果你同一個bid入面有幾件貨,佢就會即時取消你,完全冇warning, 問佢點解又唔覆,冇得上訴;搞到你又要再post過。佢地就係咁係咁賺埋賺埋d刊登費,加埋廣告費,盤滿砵滿。

最仆街既係,個個都係咁做,但係就唔係個個都刪;放一半生殺一半,等d人唔知以為可以咁做,咁就慒盛盛咁post上去,然後俾佢刪,咁佢可以賺多d刊登費.....呢,太公都唔知係咪俾人點錯相,連住俾人刪....但係好多人都係做緊同一樣野,又冇事喎....嬲!

更仆街,原來佢自己都話可以鼓勵人地講價,講低過底價都得....下?喂!你自己都唔專重你個場既拍賣精神,咁我post 幾件野同一個bid有何不可呀?!可怒也!!你果個不如改名做買賣場算把啦....拍賣!你冇病呀!

Ebay Hong Kong 好心你就生性d, 如果d人淨係諗住賣俾香港人就唔好迫人做pay pal, 咁我地都轉去用ebay 啦....始終ebay 均真d, 好少有d刪d唔刪d既情況黎Flick人。




如果你有楂車,有食過牛肉乾,你就應該明太公而家係咩感受 -- 呢,錢真係唔算多,但係真係好深深不忿 -- Yahoo已經收緊錢架啦!就正如你楂車都唔會覺得享用過咩福利 -- 而家你無啦啦要罰我錢?(我就係無啦啦要俾多個post既錢),冇病呀!

賣$12蚊野都要收$1刊登費,唔好去搶!正仆街黎架~~~!
Creative Commons License
Happy Idiot by Joyce Chiang is licensed under a Creative Commons Attribution-NonCommercial-ShareAlike 3.0 Unported License

2 Comments:

Anonymous shizugi said...

我試過朋友無yahoo拍賣acct,問我借黎賣演唱會飛,已經寫明係因為要開工去唔到睇而賣,即買價係同買番黎既一樣,一蚊都無賺。 yahoo都可以刪除我個拍賣,仲要出埋封warning email黎話警告滿三次就停acct。
我send email去yahoo到問,究竟因咩理由而刪除我個拍賣,佢可以回番email答我話唔賣得演唱會飛。
yahoo拍賣班職員係癲癲地既。

03:04  
Blogger 太公 said...

咁慘?!你仲慘過我!(佢冇話警告滿三次就停account...如果係, 我下次就...)

但我記得佢好似自己都懶話係慈善定唔知乜賣過演唱會飛....

我有個破解方法:你賣野送飛,佢吹你唔脹架。

18:42  

Post a Comment

Links to this post:

Create a Link

<< Home