黑玫瑰之謎

實在忍不住了，我要向Eric 表白.....



那天晚上，是這樣子的...

事發時間晚上約八時四十分；某肥監製已經叫肚餓叫左差唔多半個鐘，幾乎超越佢捱肚餓既極限！一般的餅乾已經唔可以令到佢有飽足的感覺，佢好似隻怨魂咁不斷呼喚：「我要杯面~~~」

可惜，現場同事冇一個有杯面可以施捨俾佢，監製冇辦法，唯有走去佢認為最有可能有既同事，即係同佢個人身形最相似果位，個位度；經過一輪翻箱倒櫃，終於俾佢搵到一個「入後一丁」杯面！！

個監製攞完人地個杯面又唔好意思，就話想留一張「墨寶」俾受害同事，云云。於是，動筆想寫：「黑玫瑰食左」。點知才寫了個「黑」字，就擰轉頭問太公：

「蝦....『玫瑰』點寫？」

下...監製.....

於是，個肥「墨寶」上面，都有我既靚筆跡啦！