再戰米線

還和一眾院友們共事時，在幸福村村長帶領下，一眾人等曾經相約去長沙灣喫其「指下個鼻，就可以多隻雞翼」既四川麻辣米線。

初遇米線，唔識死，和蘇院友一人叫左個小辣米線，結果...戰況慘烈，除當場面紅指數爆燈外，事件更造成翌日一病假一因被困toilet而返工遲到。

之後學乖了，改吃三小和五小，滋味得多；不過，繼自己和會草相繼離職後，三人行的日子已很少出現。

唔三人行，唔代表冇麻辣癮；是日，太公便與「荃威羅莽」一起去吃麻辣米線。

因為羅莽平素吞慣火，所以好食得辣；中辣怕且都未驚過。然而，該店有個過橋米線，火腿魚旦腩肉牛肉雞肉生菜炸醬酸菜豬潤豆卜芽菜腐皮等樣樣等，勁大碗，兩個人食都夠飽有突，只售33蚊；為了慳錢，只好一人讓一步，來個小辣大家分。

well, 今次, 算挑戰成功，未有流汗現象出現，可能與天氣轉涼有關；不過，由於太公一向只食開魚旦米線，覺得魚旦好好味，所以覺得此店值得推介；之但係，是次一大堆餸菜，都只係得魚旦和炸醬好味...well。不過，無論如何，都要比荃灣路德圍那間餸凍湯不熱又唔知點解會有咁多人等的米線店要好得多。

話說回來，太公說算挑戰成功，有個「算」字，皆因唔知係咪d辣一路都係我個肚翻騰緊, 太公返到屋企, 吃罷一個冰凍火龍果, 即刻好痛苦咁去左兩次toilet......



店舖資料：
四川麻辣米線
長沙灣青山道338-340號順利商業大廈地下A舖