週未任我點 -- 太公YouTube精選專集

又到左太公週未任我點既時間。由於羅莽今日要去拜年既關係，太公就得閒返黎同大家見面，充當webJ，為大家介紹本週太公心水you tube 短片

首先要同大家介紹既係呢個翻拍八十年代既廣告；其實呢段野太公讀緊U(定arm arm 畢業果年)都有睇過。果時已經覺得好好笑；今日睇返，真係回味無窮。

點解咁好睇？留意個四眼傻仔，太公以前有個補習學生好鬼死似佢既，好親切；仲有，果d穿晒崩又要懶型的"特技"(飛熱浪果幕)；同埋d廣告都係細個時聽過既 -- 嗱，太公細細個果時已經好無鬼聊咁背鬼晒電視廣告d台詞，果時個麥當當廣告，亦即段片入面果個，背完都沾沾自喜；太公覺得，佢地玩得最妙既，都係果個廣告。




講到回味無窮，當然唔少得撻成一塊既《壽頭記》同埋羅人既《幾許瘋語》啦；阿盧海鵬扮野真係扮得好好笑好好睇；以前d技術冇咁好都有咁精彩既野睇，而家技術進步左咁多，但係電視節目就好似愈黎愈無趣咁，點解？





跟住落黎，就係尹光既《少理阿爸》MTV；歌詞已經夠露骨夠抵死夠絕，仲有埋尹光一人分飾三角，死未？嫌就嫌實在太懞




嗱，精彩既片段陸續有黎。下一段要同大家分享既YouTube片就係我都幾鐘意既李思捷，係98年既叱吒扮四大天王。

點我我鐘意李思捷？因為李思捷似羅莽形野豬lor (well, 不過片段入面果個就瘦好多潇酒好多...)



仲有佢扮林子祥.......





最後，雖然唔係youtube, 但咁難得俾太公搵返個N年前李思捷既《愛Dick呼喚》(Click入去就有得聽)，好好笑架。

作詞：李思捷/小Bill　作曲：譚國政　編曲：D.O.G.Droductionteam

小生叫做阿Dick 灣仔返工無挑戰 我疲倦
天天見著阿娟　一身Joyce好鬼寸 其實住屋村
我決意跟佢了斷 立志我要去溫番個好鐘意
有晚接call系深宵兩點
要約我去相見
從當天見面過　便此生對了鎖
就是Gary困惑我　好似迷住阿修羅
如他肯接受我　像死灰加上火
活著心中慶幸我原來是個　萬能俠喎
一起看粵語片　家中Gary好溫暖　我傳電
即刻上實個鎖　拉低窗廉無光線 含情話我甜
我撻到香水滿面
是我發覺我Taste已經改變
愛看偉仔興Leslie0既片　無暗格我鐘意
重新的去Wet過　落Dropaganda
但願Mother接受我　叔伯無謂再囉梭
從此不再一個　讓瀟洒走我路
願與Gary去共創人類突破 I Love Him More



太公記得，讀U時有個校草級既同學又係叫Gary, 又好人又高大又靚仔又聰明又穩重又有思想...但就偏偏對我地成班對佢萬般垂涎既女仔冇興趣，令到太公等一眾同學失望；太公聽返呢首歌，就係度諗，嗯，唔通Gary 佢....???