太公爛gag時間

又到太公爛gag時間，今次同大家分享一個「lunchtime爛gag」

是日hour，肥監製，咩雲和太公於環境優雅的pk cafe，懶高貴地用膳之際，討論起今天上午告病假的同事，虎哥。

太：我知點解虎哥病咗

肥：(漫不經心地飲住咖啡) 點解？

太：因為尋晚佢走果時, 仲落緊雨....我諗佢係淋到病咗。

咩：(漫不經心地飲住咖啡) 嗯...

太：(繼續懶醒) 所以，一陣佢返黎，我地可以問候佢：虎哥，你係咪「淋病」呀？

語畢，本來懶高貴飲緊咖啡的肥監製與咩雲，竟突然爆笑。太公本不知何解，但見佢地笑到面飢抽筋，狀甚痛苦，於是都忍唔住笑埋一份...

肥：(笑到呼吸困難) 我都估到你架啦...我都唔想理你...你呢個gag...咁鬼舊！

太：車...潮流興復古....我呢個係"vintage 爛gag",...你受就得架，你睇你...笑得幾開心！嘿....




終於守候到虎哥返工。太公的確問候了那一句：虎哥，你係咪「淋病」呀？

結果，太公得到介乎食指與無名指之間的手指乙隻，阿門！