太公勁訊

以下有一單懷疑誤導客人的案件，希望各位市民可以提供資料。

週日，有一名貌美如瓜的中國藉女子以及其男友，因為去到freshness burger 摸門釘，加上看見荃灣城市廣場添記麵皇門外大大隻字以「無味精湯底」作招徠，於是決定一試。

甫坐下，由於該名中國藉女子啫辣的關係，一到可以轉「東南亞酸辣湯底」，即時雙眼發青光，雖然要加三個大洋，都一於照叫個酸辣花枝片米線；其男友則要了個唔使加錢的豬骨湯底鯪魚球米線。

此店的上菜速度甚慢；等到花兒幾乎謝了之前，女事主的酸辣花枝片米線方送到。

一喝湯，的確有點冬蔭功的神韻，但太酸了點，而且一點也不辣；鮮味也太假，完全沒有蝦鮮可言。當時，事主已對「無味精」這一點有所懷疑，幸好花枝片和米線尚算夠新鮮爽口，還算吃得下去，也暫且不多作追究

但男事主的豬骨湯底鯪魚球米線送上時，侍應加了一句：「試下啦，無味精的」；聽罷，女事主心感不妙：吓？點解我果碗送黎果時冇人同我講既？WHY? 唔通我果碗係有味精？望望餐牌那句「健康最重要 正宗日式豬骨湯 絕不含味精」，吓？唔係只得豬骨湯先係「無味精」呀吓！

後來女事主報稱，結賬離去後，開始感到喉乾舌燥感覺襲來，就算立即吞了一個雪糕球下肚仍無幫助，所以可以肯定此湯底一定有味精，仲係唔少果隻；而男事主則供稱自己碗豬骨湯應該無味精，但味道偏淡，水準一般。

另外，女事主亦自動投案指自己搶咗男事主一粒鯪魚球，但肉質鬆散也欠魚鮮味，早知唔搶，懊悔萬分也。


本疑似誤導案件已交由有型男士偵輯隊接手調查；各位市民如果有任何線索，我地係唔會有任何熱線電話或者米線電話提供，不過就可以嘗試搵個痴線電話，同我地聯絡！！