係咪玩我先？

天！你係咪玩我！

太公每晚都需要從當晚節目中抽取精華，製作約30秒的「台號」和一個約分半鐘的「聲音專欄」。通常，「台號」和「聲音專欄」都是當日節目最精彩的部分，開會商定了，便不容再改。

可以從那裏得到當晚節目的錄音呢？公司的內聯網系統，會以半小時為單位的，將節目完結後十分鐘內上載上該系統；即是，一個由六點半到八時播放的節目，應該可以在節目完結後，在系統內找到三段，每段長半小時的錄音，我們以：「六點半果節」、「七點果節」和「七點半果節」稱之。

可是，這個系統運作實在是健康得很，特別是適逢假期和非辦公時間的時候，總是有些差錯。

從復活節開始，這系統的差錯都很離奇；每每太公需要那一節，就偏偏欠奉；例如你要六點半，卻偏偏其他兩節都有就是沒有六點半；然後今次卒之不再用六點半了，系統上卻偏偏只有六點半。

這個系統的運作，在辦公時間以外就找不到對口人了。找資訊科技部，又伊伊哦哦的自說自話，著你找工程部；工程部更離奇，只是講了一大堆的道理，堅拒承認責任，只稱你要有關錄音就要找上級寫紙，更責問太公：點解IT叫你落黎？...甚麼？！這句說話很教人火大，明明是你們幾個有關部門出問題，又欠缺溝通，已經害我要跑來跑去，現在你責問我？！或者始終本組組員都較為潑辣，太公只有一個回應：「你問我？我邊有可能知呀？而家係我搵唔到我應該有既野而走黎問你地喎！你不如自己打去佢地度問好唔好？！」已經盡量壓抑住就爆的火山，不過都夠嚇。

最後，折騰一輪，終於找到某部門的上級，只是很簡單的一句：「喂，我係左右大局既同事，我想要返今日既錄音...」

「哦！得得得，咁我同我d下屬講返，佢會俾你架啦！」

下？點解只係咁簡單既事，點解班人可以咁官僚？呢個話晒都係一個傳媒機構呀！明明我只係要自己個節目個錄音，仲要係原本我可以係個系統度download落黎，只係而家你個系統出問題，我要直接問你地dup落隻手指度姐，唔使要搞咁多野又要高層approve又點呀.....呢d咁既無謂野，折騰左我足足一個半鐘呀！做多個「左右大局」都得啦！麻膠煩！真係唔客氣都講句：你地咁做野法！抵你地一世都踎係呢d咁低層既位，一世都冇得升呀！

以上是復活節前一天的慘痛經歷；經過第一天這樣的經驗，太公己經對這兩個部門的所有人反感非常，覺得佢地一個二個都係「智障外星人」；唔想再同佢地deal，但點解偏偏，連日來個系統都操作異常，每日我都要去同佢地呢班外星人deal.....即係冇再出現以上呢d咁老土既問題，但佢地總係會有唔同既亂子，而令到太公至少要搞成三十至四十五分鐘先攞到個錄音.......唉！我唔係一定要好準時走，只係，我d時間花係呢d咁無聊既過程度，我真係覺得好唔抵！

希望今日個系統可以正常，我可以唔使再同呢班咁智障外星人deal啦！阿門！