Call 台

call機曾經在本港風靡一時；雖然如今call機已經成為歷史物品，然而，call台文化，還殘留在一些比較富貴又事忙的大人物圈子中，如一眾立法會議員，就經常教我們要用到call台

現今的call台，接線基地已轉移內地；是以，不少接線的都是內地的廣東人，他們對香港的了解極少，以致留言時鬧出不少笑話。

個案一:

咩雲：(對call台) 嗯..同機主講係工業電台，上下大局...

call台：xapoiypaiowupeoiawu....

咩雲：係工~業~電~台~呀！上下呀...上下左右個上下呀..

(良久，對方終於明)

咩雲：想搵機主錄聲音紅絲帶，錄音個錄，聲音，即係聽果d聲音，紅絲聲...(正欲解釋)

call台：(懶醒) 哦！「錄音帶」！

現場所見，咩雲隨即笑到收唔到聲，將電話遞向太公：

太公：喂？

call台：(固執) 係咪錄音帶呀？咩錄音帶呀？

結果，此仗call台大勝，本組兩位女同事，全軍笑到覆沒


個案二：

太公：(已經身經百戰，識得慢慢講) 唔該，留工~業~電~台，上~下~大~局~....

call台：係咪上下左右個上下？

太公：係！然後...

call台：係！工業電台！上下「飯」局...

下？飯局？志雲飯局咩？call台又勝一仗...