心勁涼

對於呢則新聞，太公只有一句comment,

「天有眼！」

明光社此類道德偽君子想買辦公室？慳d啦唔該！早日收皮你就有份！


隔 牆 有 耳 ： 反 明 光 社 杯 葛 賣 旗 (蘋果日報10-7-2007)
最 近 四 面 受 敵 既 清 教 徒 式 組 織 明 光 社 ， 準 備 係 風 頭 火 勢 之 下 賣 旗 籌 款 ， 目 的 係 「 購 買 辦 公 室 暨 成 立 生 命 及 倫 理 研 究 中 心 」 ， 有 唔 滿 意 明 光 社 既 人 ， 網 上 發 起 鋪 天 蓋 地 反 明 光 狂 潮 ， 甚 至 前 仆 後 繼 高 呼 杯 葛 明 光 社 賣 旗 ， 有 人 唔 好 心 地 ， 建 議 只 係 捐 一 毫 子 買 旗 ， 等 明 光 社 蝕 本 ， 另 一 毒 招 係 報 名 扮 義 工 ， 到 時 候 一 邊 賣 旗 一 邊 派 《 中 大 學 生 報 》 。

抽 籤 排 隊 賣 旗 排 最 尾
被 封 為 「 性 戰 沙 皇 」既 明 光 社 總 幹 事 蔡 志 森 同 八 方 呻 ， 如 果 真 係 有 人 咁 搞 法 ， 今 年 籌 款 數 字 肯 定 雪 上 加 霜 ， 事 關 唔 知 係 佢 命 水 唔 好 定 天 意 難 違 ， 抽 籤 排 隊 賣 旗 排 到 最 尾 ， 想 話 揀 個 好 日 都 唔 得 ， 揀 到 7 月 25 日 星 期 三 係 新 界 區 賣 旗 。 賣 旗 日 正 值 暑 假 ， 好 難 搵 義 工 賣 旗 ， 本 來 需 要 1,500 人 幫 手 ， 經 過 一 大 輪 呼 籲 再 呼 籲 ， 都 係 得 300 人 報 名 ， 前 年 賣 旗 籌 得 60 萬 ， 今 年 凍 過 水 。

一 本 通 書 唔 能 夠 睇 到 老 ， 諗 野 要 跳 出 個 盒 ， 八 方 冇 料 奉 送 兩 條 橋 畀 明 光 社 ， 一 係 請 Anya Hindmarch 幫 手 設 計 多 個 明 光 獨 家 環 保 袋 ， 隨 時 吸 引 到 幾 千 人 通 宵 走 入 新 界 等 買 旗 ； 二 係 試 反 傳 統 ， 義 賣 印 上 「 I'm NOT A Plastic Bag 」 避 孕 套 ， 實 用 又 警 世 。