傻訊

傻訊近日發現，有不少年青人不注意言行，以致令身邊的人受盡打擊。

例如，有時大家相熟，說起笑來，聲稱自己俊朗不凡，風度翩翩都算了，千萬緊記不要懶勁咁為自己加上任何稱號。

案件重演：

(事發時，太公正在默默地進行撰寫年報工作，並打開了去年年報其中一頁作參考)
(此時，某昌姓中國籍男子路過....)

太：.....(寫稿寫到迷糊中)

昌：(得意洋洋) 喂，呢本年報....你而家睇緊呢版有~我~果喎！你知唔知架？

太：(繼續迷糊)....下.....有咩....? (張張相都細過2Rsize, d團體相人頭更小，邊望到)

昌：(得戚)氣！你梗係盲定啦！呢！(指住某張大合照中某個肥仔之小頭)呢度咪係lor...

太：(因寫稿寫到痴呆，冇咁快復原) 哦......

昌：(更得戚)前面仲有張架！....(說著即翻到另一頁)....係睇下！呢個又係我黎架....

太：(仲係痴痴地) 係喎....真係好犀利咁喎....

昌：(非常得戚)之咪係！話晒我都係「小童群X會之草」喎！

(突如其來的巨大刺激，使太公即時成個醒晒，且欲衝出位去嘔兼狂叫；此時，該名昌姓男子方從自我陶醉中回過神，叮囑太公不要將此稱號大肆宣揚；但無奈太公所受的刺激太大，說話時每三句就會加個"草"字，直至案發一小時後才逐漸恢復正常；於是，這個稱號就得以公諸於世，亙古長存；再者案發時，尚有其他目擊者...)

(由於目擊者未落口供，所以以下乃設計對白)

男：喂，人地係「小童群X會之草」喎....

女：車！到你都未到佢啦！

男：(大喜) 係？

女：唔好玩啦！計我話「小童群X會之草」一定係出面種果幾棵呀！霉霉地爛爛地咁果幾棵呢....

男：xyz....


傻訊在此呼籲各位，如果大家發現任何聲稱自己係「小童群X會之草」之男子，千祈唔好同我地聯絡，你地自己郁手打佢鑊金得啦！阿門。